13 جون ، 2023 
گاکا ایوی ایشن سیفٹی وفد کی دوسرے مرحلے کے دورہ پر پاکستان آمد
13 جون ، 2023
سعودی جنرل ایویشن سول ایویشن 'گاکا' کا ایوی ایشن سیفٹی وفد دوسرے مرحلے میں پاکستان پہنچ گیا ہے۔
لیڈ انسپکٹر محمد العجمی کی قیادت میں 8 رکنی ٹیم لاہور پہنچی جہاں ڈائریکٹوریٹ آف سیکیورٹی (ریگولیٹری) اور لاہورائیرپورٹ انتظامیہ نے ٹیم کا استقبال کیا۔
سعودی مہمانوں کو تمام ائیرپورٹس ممکن تعاون فراہم کیا جائے
ڈی جی سول ایویشن کے مطابق 'گاکا'سیفٹی اسسٹنٹ ٹیم نے لاہور سے دوسرے مرحلے کا آغاز کردیا ہے، ٹیم کو ائیرپورٹ اور حفاظتی اقدامات کے بارے میں بریفنگ دی گئی۔ساتھ ہی کہاگیا ہے کہ سعودی مہمانوں کو تمام ائیرپورٹس ممکن تعاون فراہم کیا جائے۔
پاکستان دورے کے دوران 'گاکا' سیفٹی اسسٹنٹ ٹیم اے ایس ایف، ائیرلائینز، گراؤنڈ ہینڈلنگ ایجنسیز کی جانب سے کیے گئے سکیورٹی اقدامات کا جائزہ لے گی،سعودی سیفٹی ٹیم کارگو ایجنٹس اور کیٹرنگ سمیت سکیورٹی سروس فراہم کرنے والوں کے حفاظتی اقدامات کی افادیت کا جائزہ بھی لے گی۔
ٹیم اس دوسرے مرحلے میں سیالکوٹ اور ملتان ائیرپورٹس کا بھی معائنہ کرے گی۔
تیسرے مرحلے میں اسلام آباد اور پشاور کے ہوائی اڈوں پر سکیورٹی انتظامات کا معائنہ بھی کیا جائے گا۔
