27 جون ، 2023
بھارتی ریاست کرناٹکا میں ایک تاجر نے اپنی بیوی سے ناجائز تعلقات کے شبے میں اپنے دوست کا گلا کاٹ کر خون پی لیا۔
بھارتی میڈیا کے مطابق یہ خوفناک واقعہ کرناٹکا کے ضلع چکابالاپور میں 19 جون کو پیش آیا جہاں وجے نامی تاجر نے اپنی بیوی اور دوست مریش کے درمیان ناجائز تعلقات کے شبے میں دوست کا گلا کاٹ ڈالا اور اس کا خون پی لیا۔
تمام واقعے کو وجے کے دوسرے دوست نے موبائل فون میں ریکارڈ کیا : بھارتی میڈیا
اس تمام واقعے کو وجے کے دوسرے دوست نے موبائل فون میں ریکارڈ کیا، واقعے کی ویڈیو سوشل میڈیا پر وائرل ہوگئی جس میں وجے کو مریش کو مکے مارتے اور اس کا گلا کاٹ کر خون پیتے دیکھا گیا۔
ویڈیو سامنے آنے کے بعد پولیس نے ملزم کو گرفتار کرکے اس کے خلاف مقدمہ درج کرلیا۔
دوران تفتیش ملزم نے پولیس کو بتایا کہ اسے دوست مریش اور بیوی کے درمیان ناجائز تعلقات قائم ہونے کا شبہ تھا جس پر مریش کو جنگل میں بلاکر جھگڑا کیا ، اسی دوران مریش کو مکے مارنے کے بعد اس کا گلا کاٹنے اور خون پینے کی ویڈیو بھی بنوائی۔
بھارتی میڈیا کا مزید بتانا ہے کہ حادثے کے بعد مریش کو اسپتال پہنچایا گیا جہاں ڈاکٹرز نے اس کی جان بچالی۔