01 جولائی ، 2023 
پاکستان
لیاری ایکسپریس وے پر تیز رفتار گاڑی تصاویر بناتے نوجوانوں سے ٹکرا گئی، ویڈیو وائرل
01 جولائی ، 2023
کراچی میں لیاری ایکسپریس وے پر تیز رفتار گاڑی بے قابو ہوکر تصاویر بناتے دو نوجوانوں سے ٹکرا گئی۔
موٹروے پولیس کے مطابق حادثہ گارڈن سے ماڑی پور جانے والے ٹریک پرگزشتہ روز ہوا اور گاڑی مالک کے مطابق حادثہ ٹائر پھٹنے کے باعث پیش آیا۔
تیزرفتار گاڑی نے ایکسپریس وے پر تصاویر بناتے 2 نوجوانوں کو ٹکر مار دی اور واقعے کی ویڈیو سوشل میڈیا پر وائرل ہوگئی۔
موٹروے پولیس کا کہنا ہے کہ حادثے میں ایک نوجوان معمولی زخمی ہوا، متاثرہ نوجوان کے اہلخانہ نے قانونی کارروائی نہیں کی۔
موٹروے پولیس کے مطابق واقعے سے متعلق موٹروے پولیس تحقیقات کررہی ہے۔
