07 جولائی ، 2023 
’کیچ پکڑنے والی ویڈیو ضرور لگائیں‘، حسن علی کی فرمائش
07 جولائی ، 2023
قومی ٹیم کے تربیتی کیمپ میں کیچز پریکٹس کے دوران فاسٹ بولر حسن علی نے صحافیوں سےکیچ پکڑنے کی ویڈیو لازمی لگانے کی فرمائش کی۔
دوران پریکٹس حسن علی نے کیچ کیا جس کے بعد میڈیا نمائندوں سے مخاطب ہوتے ہوئے کہا کہ کیچ پکڑنے والی ویڈیو ضرور لگائیں لوگ میرے کیچ پر بات کرتے ہیں ۔
2021 کے ورلڈ کپ سیمی فائنل میں حسن علی نے آسان کیچ ڈراپ کردیا تھا جس پر انہیں شدید تنقید کا نشانہ بنایا گیا تھا۔
دوسری جانب سری لنکا ٹیسٹ سیریز سے قبل کیمپ میں سرفراز احمد نے وکٹ کیپنگ کی بھرپور پریکٹس کی، کیمپ میں سرفراز احمد گلووز پہنے وکٹ کیپنگ کی پریکٹس کرتے نظر آئے۔
اس دوران نائب کپتان محمدرضوان بھی بیٹنگ اور کیچز کی پریکٹس میں مصروف رہے، سلیپ میں کیچ پریکٹس میں بھی سرفراز احمد وکٹ کیپر بنے اور محمد رضوان سلیپ میں کھڑے نظر آئے۔
شیڈول کے مطابق کراچی میں جاری قومی کرکٹ ٹیم کا تربیتی کیمپ آج ختم ہوجائےگا اور پاکستان ٹیم براستہ دبئی کل رات کولمبو روانہ ہوگی۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
10 گھنٹے پہلے
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
