07 جولائی ، 2023 
بورڈ نے سفر سے روک دیا، قومی کرکٹرز حارث رؤف کے ولیمے میں شرکت نہیں کرسکیں گے
07 جولائی ، 2023
پاکستان کرکٹ بورڈ نے قومی کرکٹ ٹیم کے کھلاڑیوں کو اسلام آباد جانے سے روک دیا جس کے باعث کھلاڑی حارث رؤف کےولیمےکی تقریب میں شرکت نہیں کرسکیں گے۔
پی سی بی ترجمان کے مطابق خراب موسم کےباعث کراچی واپسی کی فلائٹ نہ ملنے پرمشکل ہوگی جس کے پیش نظر بورڈ نے قومی کرکٹ ٹیم کے کھلاڑیوں کو اسلام آباد جانے سے روک دیا ہے۔
قومی ٹیم کےکچھ کھلاڑیوں کو حارث رؤف کے ولیمے میں شرکت کیلئے آج اسلام آباد روانہ ہونا تھا اور کھلاڑیوں کا ہفتے کی دوپہر کراچی واپسی کا پلان تھا تاہم اب کھلاڑی حارث رؤف کے ولیمے میں شریک نہیں ہوسکیں گے۔
شیڈول کے مطابق کراچی میں جاری قومی کرکٹ ٹیم کا تربیتی کیمپ آج ختم ہوجائےگا اور پاکستان ٹیم براستہ دبئی کل رات کولمبو روانہ ہوگی۔
گزشتہ روز فاسٹ بولر حارث رؤف، قریبی رشتے دار اور دوست احباب کے ہمراہ اپنی دلہنیا لینے پہنچ گئے، حارث رؤف نے بارات کے لیے روانگی سے قبل صدقے کا بکرا بھی کاٹا۔
حارث رؤف نے اپنی بارات پر مہرون رنگ کا کلہ اور کالے رنگ کی شیروانی کا انتخاب کیا ۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
11 گھنٹے پہلے
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
