09 جولائی ، 2023 
پاکستان
ایس سی اے ٹی ائیر لائنز ہفتہ وار ہر بدھ اور ہفتہ کو پرواز چلائے گی جب کہ ائیر لائن کی جانب سے اس سیکٹر پر بوئنگ 737 میکس 8 طیارے استعمال کیے جا رہے ہیں/ فوٹو جیو نیوز
قازقستان کی ائیرلائن کی پہلی افتتاحی پرواز کی لاہور آمد و روانگی
09 جولائی ، 2023
قازقستان کی ایس سی اے ٹی ائیر لائنز کی افتتاحی پرواز ہفتے کی شب لاہور پہنچی جو مسافروں کو لے کر روانہ ہوگئی۔
الماتے سے روانہ ہونے والی ایس سی اے ٹی ائیرلائنز کی افتتاحی پرواز ڈی وی 849 نے رات 8 بج کر 10 منٹ پر لاہور کے علامہ اقبال انٹرنیشنل ائیرپورٹ پر لینڈ کیا۔
افتتاحی پرواز رات تقریباً 10 بجے 110 مسافروں اور عملےکے 7 افراد کے ساتھ واپس الماتے روانہ ہوئی۔
ایس سی اے ٹی ائیر لائنز ہفتہ وار ہر بدھ اور ہفتہ کو پرواز چلائے گی جب کہ ائیر لائن کی جانب سے اس سیکٹر پر بوئنگ 737 میکس 8 طیارے استعمال کیے جا رہے ہیں۔
قازقستان کے سفیر کستافن یرزہان بھی اسی افتتاحی پرواز سے الماتے سے لاہور پہنچے۔
