09 جولائی ، 2023 
پاکستان
چیئرمین پی ٹی آئی نے اسلام آبادپولیس کے مقدمات سے متعلق سوالات کےجوابات دیے: ذرائع— فوٹو:فائل
چیئرمین پی ٹی آئی نے دہشتگردی کی دفعات کے تحت درج مقدمات میں بیان ریکارڈ کروا دیا
09 جولائی ، 2023
پاکستان تحریک انصاف کے چیئرمین عمران خان نے وفاقی دارالحکومت اسلام آباد میں دہشتگردی کی دفعات کے تحت درج مقدمات میں بیان ریکارڈ کروا دیا۔
چیئرمین تحریک انصاف ڈی آئی جی آفس میں پولیس کے سامنے پیش ہوئے اور انہوں نے دہشتگردی کی دفعات کے تحت درج مقدمات میں بیان ریکارڈ کروایا۔
ذرائع کے مطابق چیئرمین پی ٹی آئی نے اسلام آباد پولیس کے مقدمات سے متعلق سوالات کےجوابات دیے۔
وکلا کی ٹیم بھی چیئرمین پی ٹی آئی کے ہمراہ ڈی آئی جی اسلام آباد آفس میں موجود رہی۔
ذرائع نے بتایاکہ عمران خان سے تقریباً 2 گھنٹے تک تفتیش جاری رہی۔ چیئرمین تحریک انصاف ڈی آئی جی آفس سے بنی گالہ روانہ ہوگئے۔
