16 جولائی ، 2023 
پاکستان
اسلام آباد میں مارگلہ ہلز کے ٹریل تھری پر خاتون سے مبینہ زیادتی کا انکشاف ہوا تھا جس پر پولیس نے تکنیکی ذرائع بروئے کار لاتے ہوئے ملزم تک رسائی حاصل کی/ فائل فوٹو
اسلام آباد: مارگلہ ہلز کے ٹریل 3 میں خاتون سے زیادتی کا ملزم گرفتار
16 جولائی ، 2023
اسلام آباد پولیس نے 3 روز بعد ٹریل تھری زیادتی کیس کا نامزد ملزم گرفتار کرلیا۔
اسلام آباد میں مارگلہ ہلز کے ٹریل تھری پر خاتون سے مبینہ زیادتی کا انکشاف ہوا تھا جس پر پولیس نے تکنیکی ذرائع بروئے کار لاتے ہوئے ملزم تک رسائی حاصل کی۔
پولیس کے مطابق خاتون سےمبینہ زیادتی کا واقعہ 13 جولائی کو پیش آیا تھا اور خاتون کی درخواست پر تھانہ کوہسار پولیس نے مقدمہ درج کیا تھا۔
ایف آئی آر کے مطابق شیخوپورہ کی رہائشی خاتون کو نعمان نامی شخص نے نوکری کا جھانسہ دے کر راولپنڈی بلایا۔
ایف آئی آر میں کہا گیا کہ نعمان انٹرویو کے بہانے ٹریل تھری لے گیا جہاں گن پوائنٹ پر ایک شخص نے زیادتی کانشانہ بنایا اور واقعے کا بتانے پر جان سے مارنے کی دھمکی دی۔
