21 جولائی ، 2023
امریکا سے تعلق رکھنے والے جم آرنگٹن دنیا میں سب سے زیادہ عمر پانے والے باڈی بلڈر بن گئے ہیں جم آرنگٹن گزشتہ 90 سال سے باڈی بلڈنگ کرر ہے ہیں۔
غیر ملکی میڈیا کے مطابق جم آرنگٹن کا تعلق امریکا سے ہے، انہوں نے باڈی بلڈنگ کے ذریعے اپنی جسامت ایسی بنائی ہوئی ہے کہ سب انہیں دیکھ کر حیران رہ جاتے ہیں۔
گنیز ورلڈ ریکارڈز کے انسٹاگرام پیج پر جم آرنگٹن کی ایک ویڈیو بھی شیئر کی گئی ہے۔
گنیز کے مطابق جم آرنگٹن پیشے کے اعتبار سے ریٹائرڈ سیلز مین ہے اور پردادا بھی ہیں جنہوں نے 83 سال کی عمر میں دنیا کے عمر رسیدہ باڈی بلڈر کی فہرست میں اپنا نام سرفہرست درج کروایا تھا لیکن اب جم آرنگٹن 90 سال کی عمر کو پہنچ گئے ہیں۔
جم آرنگٹن 90 سال کی عمر میں پہنچ کربھی باڈی بلڈنگ کے مقابلے جیت رہے ہیں، انہوں نے حال ہی میں نیواڈا کے شہر رینو میں ہونے والے ایک انٹرنیشنل فیڈریشن آف باڈی بلڈنگ اینڈ فٹنس ( آئی ایف بی بی ) پروفیشنل لیگ ایونٹ میں حصہ لیا جس میں جم نے مردوں کی 70 سے زیادہ کیٹیگری میں تیسرا اور 80 سے زیادہ کیٹیگری میں پہلی پوزیشن حاصل کی ہے۔
جم اپنی پیدائش سے ڈیڑھ ماہ قبل پیدا ہوئے تھے جس کے باعث ان کا وزن 2.5 کلو تھا۔
بتایا جارہا ہے کہ جم اب بھی زبردست جسامت کے حامل ہی میں حال ہی میں انہوں نے ایک مینز ہیلتھ میگزین کیلئے بغیر قیمض کے فوٹو شوٹ بھی کروایا ہے۔