22 جولائی ، 2023 
زلمی ٹیلنٹ ہنٹ سندھ کے دوسرے روز اندرون سندھ کے کرکٹرز کے ٹرائلز
22 جولائی ، 2023
راشد لطیف کرکٹ اکیڈمی کراچی میں جاری زلمی ٹیلنٹ ہنٹ سندھ کے دوسرے روز اندرون سندھ سے آئے نوجوان کرکٹرز کے ٹرائلز لیے گئے۔
ڈائریکٹر کرکٹ پشاور زلمی محمد اکرم نے کہا کہ سندھ کے دیگر شہروں سے آئے نوجوان کرکٹرز بہت ٹیلنٹڈ ہیں،کراچی کے ساتھ سندھ کے دیگر چھوٹے بڑے شہروں کے نوجوان کرکٹرز بھی بہت محنتی ہیں اور ان نوجوان کرکٹرز کو دیکھ کر خوشی ہوئی۔
محمد اکرم نے کہا کہ پشاور زلمی پاکستان کے تمام نوجوان کرکٹر کو صلاحیتوں کے اظہار کا پلیٹ فارم مہیا کررہی ہے، ٹرائلز کے بعد شارٹ لسٹ بچوں کے میچز کرائیں گے، باصلاحیت کرکٹرز کو کھیل کا سامان اور ہر ممکن مدد بھی فراہم کریں گے۔
محمد اکرم نے کہا ٹرائلز کے بعد ٹیمیں بنائیں گے اور بہترین نوجوان کرکٹرز کو کوچنگ دیں گے، ان ٹرائلز سے نہ صرف پشاور زلمی، پی ایس ایل کو نیاٹیلنٹ ملے گا بلکہ پاکستان ڈومیسٹک کرکٹ کو بھی فائدہ ہوگا اور کرکٹ کا کھیل مزید فروغ پائے گا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
