29 جولائی ، 2023 
سونیا گاندھی نے بیٹے راہول کی شادی سے متعلق کسان خواتین کو کیا جواب دیا؟
29 جولائی ، 2023
بھارت کی اپوزیشن جماعت کانگریس کے رہنما راہول گاندھی کی والدہ سونیا گاندھی سے کسان خواتین نے بیٹے کی شادی نہ کرانے کی وجہ پوچھ لی۔
بھارت کی ریاست ہریانہ کی کسان خواتین کا وفد سونی پت سے دلی پہنچا جہاں انہوں نے سونیا گاندھی، پریانکا گاندھی اور راہول گاندھی سے ملاقات کی۔
ملاقات میں کسان خواتین تینوں سے گھل مل گئیں اور ساتھ لائی ہوئی روایتی لسی اور دیگر سامان انہیں تحفے میں پیش کیا۔
کسان خواتین نے اپنے ہاتھوں سے راہول گاندھی کو کھانا بھی کھلایا۔
اس دوران خواتین نے سونیا گاندھی سے 52 سالہ بیٹے راہول گاندھی کی شادی سے متعلق پوچھا جس پر سونیا گاندھی نے مسکراتے ہوئے جواب دیا کہ آپ لڑکی تلاش کرلیں۔
اس پر پورے ہال میں قہقہے گونج اٹھے۔
اس ملاقات کی ویڈیو راہول گاندھی نے اپنے آفیشل ٹوئٹر اکاؤنٹ سے جاری کی ہے۔
ملاقات کے بعد کسان خواتین کیلئے ظہرانے کا بھی اہتمام کیا گیا تھا۔
مزید خبریں :
متحدہ عرب امارات کے ویزا سے متعلق نئی ہدایات جاری
22 فروری ، 2025
