09 اگست ، 2023 
فواد عالم کا ریٹائرمنٹ سے متعلق خبروں پر ردعمل سامنے آگیا
09 اگست ، 2023
پاکستانی ٹیسٹ کرکٹر فواد عالم کا اپنی ریٹائرمنٹ سے متعلق گردش کرتی خبروں پر ردعمل سامنے آگیا ہے۔
گزشتہ روز ایک کرکٹ ویب سائٹ کی جانب سے یہ خبر سامنے آئی تھی کہ فواد عالم مبینہ طور پر پاکستان کی جانب سے انٹرنیشنل کرکٹ سے ریٹائر منٹ لے کر امریکا کی طرف سے کرکٹ کھیلنےکا سوچ رہے ہیں۔
تاہم ریٹائرمنٹ کے حوالے سے ایسی خبروں پر فواد عالم کا ردعمل سامنے آگیا ہے۔
ٹیسٹ کرکٹر فواد عالم نے جیو نیوز سے گفتگو کرتے ہوئے ریٹائرمنٹ سے متعلق تمام خبروں کی تردید کر دی۔
فواد عالم نے گفتگو کرتے ہوئے کہا کہ ریٹائرمنٹ کا کوئی فیصلہ نہیں کیا، میری ریٹائرمنٹ کی خبروں میں کوئی صداقت نہیں ہے۔
واضح رہے کہ فواد عالم نے 19 ٹیسٹ، 38 ون ڈے اور 24 ٹی ٹوئنٹی میچز میں پاکستان کی نمائندگی کی ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
