15 اگست ، 2023 
بین اسٹوکس کا ون ڈے کرکٹ میں ریٹائرمنٹ واپس لینے کا عندیہ
15 اگست ، 2023
انگلش ٹیسٹ ٹیم کے کپتان بین اسٹوکس نے ون ڈے کرکٹ میں ریٹائرمنٹ واپس لینے کا عندیہ دے دیا۔
بین اسٹوکس نے گزشتہ سال ون ڈے کرکٹ سے ریٹائرمنٹ لی تھی، ان کا کہنا تھا کہ وہ سارا فوکس اب ٹیسٹ اور ٹی ٹوئنٹی کرکٹ پر رکھنا چاہتے ہیں۔ تاہم اب رپورٹس آرہی ہیں کہ وہ ورلڈکپ کے لیے اپنی ریٹائرمنٹ واپس لینے کو تیار ہیں۔
اس بات کا انکشاف برطانوی میڈیا کی رپورٹ میں کیا گیا ہے۔
برطانوی میڈیا کے مطابق انگلینڈ وائٹ بال کرکٹ ٹیم کے کپتان جوز بٹلر کی جانب سے پوچھے جانے پر اسٹوکس اپنی ریٹائرمنٹ واپس لے سکتے ہیں، اسٹوکس ریٹائرمنٹ واپس لینے کی صورت میں آئی پی ایل نہیں کھیلیں گے۔
رپورٹ میں کہا گیا ہے کہ ریٹائرمنٹ واپس لینے کی صورت میں بین اسٹوکس مڈل آرڈر میں بیٹنگ کر سکتے ہیں، وہ ریگولر بیٹر کے طور پر ٹیم میں شامل ہوں گے۔
برطانوی میڈیا کے مطابق گھٹنے کی انجری سے صحتیاب ہونے کے لیے اسٹوکس آئی پی ایل کا سیزن چھوڑ سکتے ہیں، بین اسٹوکس کا آئی پی ایل میں 16 لاکھ پاؤنڈ کا معاہدہ ہوا ہے۔
واضح رہے کہ آئی سی سی ون ڈے ورلڈکپ رواں سال اکتوبر میں بھارت میں منعقد ہوگا، انگلینڈ کرکٹ ٹیم ٹائٹل کا دفاع کرے گی۔
مزید خبریں :
لیور پول نے انگلش پریمیئر لیگ کا ٹائٹل جیت لیا
28 اپریل ، 2025
پی ایس ایل 10 کے 2 میچ ری شیڈول کر دیےگئے
27 اپریل ، 2025
آئی پی ایل میں امپائرز کو ایک میچ کی کتنی فیس ملتی ہے؟
27 اپریل ، 2025
