29 اگست ، 2023 
ڈی ایچ اے نے ماحول کو آلودگی سے پاک رکھنے کیلئے کلین اینڈ گرین مہم کا آغاز کردیا
29 اگست ، 2023
ڈیفنس ہاؤسنگ اتھارٹی کراچی نے ماحول کو آلودگی سے پاک رکھنے کیلئے کلین اینڈ گرین مہم کا آغازکردیا۔
سی ویو پرڈی ایچ اے کے زیر اہتمام علاقوں کو صاف رکھنے، معاشرے میں صفائی ستھرائی کا شعور بیدار کرنے کی مہم کا انعقاد کیا گیا جس میں ڈی ایچ اے کے تعلیمی اداروں کے طلبہ وطالبات سیکڑوں کی تعداد میں شریک ہوئے۔
افتتاحی تقریب میں ایڈمنسٹریٹرڈی ایچ اے بریگیڈئیر رائے عاصم مصطفیٰ بھی شریک ہوئے جب کہ اس موقع پر صفائی ستھرائی کے سامان کے ہمراہ ڈی ایچ اے اورکلفٹن کنٹونمنٹ کا عملہ بھی موجود تھا۔
کلین اینڈ گرین واک میں شریک بچوں نے قطار کی شکل مشہورپلے لینڈ سے نشان پاکستان تک طویل سفرپیدل طے کیا۔
اس موقع پر ڈی ایچ اے انتظامیہ کا کہنا تھا کہ صفائی مہم جیسی سرگرمیاں صحتمند اور فعال اقدام ہے جس سے ماحول کو صاف رکھنے کے حوالے سے لوگوں میں شعور اجاگر ہوتا ہے جو ہمارے روشن اور ترقی پسند مستقبل کی نوید ہے۔
واضح رہے ڈی ایچ اے کی صاف و سبز مہم 6 ہفتے تک جاری رہے گی۔
