06 ستمبر ، 2023 
پاکستان
فوٹو: جیو نیوز
کراچی میں ڈکیتی کے دوران فائرنگ سے راہ گیر بچی زخمی
06 ستمبر ، 2023
کراچی کے علاقے گلستان جوہر میں کامران چورنگی کے قریب ڈکیتی کے دوران مزاحمت پر ملزمان کی فائرنگ سے راہ گیر بچی زخمی ہوگئی۔
پولیس کے مطابق گلستان جوہر تھانے کی حدود میں کامران چورنگی کے قریب موٹر سائیکل سوار ملزمان نے احسن نامی شخص سے لوٹ مار کی۔
عینی شاہدین نے پولیس کو بتایا کہ واردات کے بعد احسن قریب ہی واقع اپنے گھرگیا اور پستول لے کر آگیا اور ملزمان پر فائرنگ کر دی۔
عینی شاہدین کے مطابق ملزمان کی فائرنگ سے 10 سالہ بچی انعم کو گولی لگی جس سے وہ زخمی ہو گئی, اسے فوری طور پر قریب ہی واقع نجی اسپتال لایا گیا جہاں سے بعد ازاں جناح اسپتال منتقل کر دیا گیا۔
پولیس کے مطابق گولی بچی کے کندھے پر لگی ہے اور اس کی حالت خطرے سے باہر ہے۔
