جاپان کی ایک اور کوشش، چاند کو سر کرنے کیلئے مشن روانہ کردیا

جاپان نے چاند پر پہنچنے والا پانچواں ملک بننے کیلئے اپنی کوششیں جاری رکھتے ہوئے ایک اور مشن ’مون سنائپر لانچ کردیا۔

جاپان کی جانب سے ملکی ساختہ راکٹ ایچ آئی آئی اے کے ذریعے مشن مون سنائپر  اور اسمارٹ  لینڈر سلم  خلا میں روانہ کر دیے۔

جاپانی خلائی ایجنسی کے مطابق ناخوش گوار موسم کی بنا پر گزشتہ مہینے تین مرتبہ لانچ منسوخ ہونے کے بعد بلآخر تانیگاشیما اسپیس سینٹر سے جاپانی راکیٹ کو لانچ کردیا گیا۔

بھارت کے بعد جاپان بھی چاند پر مشن بھیجنے کے لیے تیار

جاپانی مشن کو اگست کے آخر میں لانچ کیا جانا تھا مگر خراب موسم کے باعث ایسا نہ ہو سکا اب یہ 7 ستمبر 2023 کو روانہ ہوگا۔

خلائی ایجنسی کے مطابق آئندہ برس فروری میں جاپانی چاند مشن مون سنائپر، اپنے لینڈر سلم کو چاند کی سطح پر مقررہ مقام کے 100 میٹر کے دائرے میں لینڈ کروائے گا۔

جاپانی مشن کو چاند کے استوائی خطے کے ایک چھوٹے گڑھے Shioli کے قریب اتارنے کی کوشش کی جائے گی۔

واضح رہے کہ اس سے قبل گزشتہ برس جاپان کی جانب سے چاند کی سطح پر اترنے کی دو کوششیں ناکام ہو گئی تھیں۔