09 ستمبر ، 2023 
پاکستان
فوٹو: فائل
منشیات اوراسمگلنگ کی روک تھام کیلئے پشاور ٹول پلازہ پر گاڑیوں کی چیکنگ لازمی قرار
09 ستمبر ، 2023
پشاور موٹروے ٹول پلازہ پر منشیات اوراسمگلنگ کی روک تھام کیلئے تمام گاڑیوں کی چیکنگ لازمی قراردیدی گئی۔
شہر میں انٹر اور ایگزٹ ہونے والی مال بردار گاڑیوں، پبلک ٹرانسپورٹ سمیت تمام گاڑیوں کی چیکنگ شروع کردی گئی۔
واضح رہے کہ چند روز قبل نگران وفاقی حکومت کی جانب سے ڈالر کی اسمگلنگ، ذخیرہ اندوزی اور منظم جرائم کے کارٹلزکے خلاف کریک ڈاؤن شروع کرنے کا اعلان کیا گیا تھا۔
وزارت داخلہ کا کہنا تھا کہ سامان اور کرنسی کی غیر قانونی نقل و حرکت کی اجازت نہیں ہوگی، اجناس اور کرنسی کے کاروبار کو تبدیل کیا جائے گا جبکہ زمینی، سمندری اور ہوائی اڈوں پر نگرانی کا نظام بھی اپ گریڈ ہوگا۔
