ڈیلس،ٹیکساس…راجہ زاہد اختر خانزادہ/نمائندہ خصوصی…آل پاکستان مسلم لیگ وومن ونگ کی جانب سے مقامی ہوٹل میں پاکستان کے چاروں صوبوں سے متعلق ایک نیو ایئر کلچرل شو کا انعقاد کیا گیا جو وومن ونگ کی صدر ڈاکٹر تسنیم آغا،حنا بھنگر،روبی چوہدری اور عظیم ندیم نے ترتیب دیا،اس موقع پرملبوسات کے اسٹال بھی لگائے گئے ۔روبی چوہدری کی جانب سے فیشن شو میں حصہ لینے والی بچیوں جن میں ایشلی جیاوردنی،انیسہ قاسمی، نایاب اختر،فاطمہ بھنگر،نور اختر،ماہم ناز کاجل شامل تھیں ان تمام کوملبوسات تحفتاً پیش کئے گئے ۔تقریب میں ثقافتی اور فلمی گیت گائے گئے جبکہ سندھی،بلوچی،پنجابی اور پشتو ڈانس بھی کیا گیا ۔زہری چشتی اور زہرہ احمد نے فنکارانہ صلاحیتوں کا مظاہرہ کرتے ہو ئے حاضرین سے خوب داد تحسین وصول کی۔کمیونٹی راہنما حنا بھنگر نے بچوں کی دلچسپی کے لئے مہندی لگانے اور فیس پینٹنگ کا بھی اہتمام کیا۔اس موقع پرآل پاکستان مسلم لیگ وومن ونگ ڈیلس کی صدر ڈاکٹر تسنیم آغا نے اپنے خطاب میں کہا کہ اس کلچر شو کا مقصد نئی نسل کو اپنی ثقافت سے روشناس کرانا ہے۔انہوں نے پروگرام میں بھر پور طور پر شرکت اور اسے کامیاب بنانے پر خواتین کا شکریہ ادا کیا۔واضح رہے کہ مذکورہ پر وگرام خواتین کے لئے مخصوص تھا جس میں خواتین کے علاوہ بچیوں نے بھی شرکت کی۔