18 ستمبر ، 2023 
پانی چوری اور غیر منصفانہ تقسیم جیسے بنیادی مسائل پر کنٹرول کیلئے کوشاں ہیں: مرتضیٰ وہاب
18 ستمبر ، 2023
میئر کراچی مرتضیٰ وہاب کا کہنا ہے کہ کراچی کا بنیادی مسئلہ پانی کی چوری اور غیر منصفانہ تقسیم ہے جس پر قابو پانے کی کوشش کر رہے ہیں۔
ڈپٹی میئر سلمان مراد اور واٹر بورڈ حکام کے ہمراہ پریس کانفرنس کرتے ہوئے میئر کراچی مرتضیٰ وہاب نے کہا کہ شہر میں ہائیڈرز سے ٹینکرز کے ذریعے پانی کی تقسیم کا عمل اب ٹریکر سسٹم کے زیر نگرانی کردیا گیا ہے جبکہ پانی مافیا کے خلاف مسلسل کارروائیوں کا سلسلہ بھی جاری ہے۔
مرتضیٰ وہاب کا کہنا تھا کہ حب ڈیم سے کراچی کو پانی فراہم کرنے والی پائپ لائن کی مرمت کا کام کیا جا رہا ہے جبکہ واٹر ہائیڈرز سے پانی کی تقسیم کے عمل پر بھی اب ٹریکر کے ذریعے نگرانی کی جا رہی ہے۔
مرتضیٰ وہاب نے مزید کہا کہ واٹر بورڈ کے مختلف اداروں پر 52 ارب روپے کے واجبات ہیں، نئے قوانین کے بعد واٹر مافیا کے خلاف آپریشن جاری ہے اب تک 70 ایف آئی آر کاٹی جا چکی ہیں جبکہ 75 افراد کو گرفتار کیا گیا ہے۔
