19 ستمبر ، 2023 
سوشل میڈیا پر عدالتی فیصلے پر تنقیدکرنیوالے ڈی ایس پی نے عدالت میں معافی مانگ لی
19 ستمبر ، 2023
سوشل میڈیا پر عدالتی فیصلے پر تنقید کرنے والے ڈی ایس پی نے توہین عدالت کیس میں پشاور ہائی کورٹ میں پیش ہوکر معافی مانگ لی۔
پشاور ہائی کورٹ میں ڈسٹرکٹ اینڈ سیشن جج کے فیصلے پر تنقید کرنے والے ڈیرہ اسماعیل خان کے ڈی ایس پی محمد خان کے خلاف کیس کی سماعت چیف جسٹس محمد ابرہیم خان نےکی۔
ایڈووکیٹ جنرل نے کہا کہ جج کے فیصلے پر تنقید کرنے والے ڈی ایس پی کو محکمانہ چارج شیٹ کیا گیا اور ڈی ایس پی نے اپنے آپ کو عدالت کے رحم و کرم پر چھوڑتے ہوئے غیر مشروط معافی مانگی ہے۔
چیف جسٹس محمد ابراہیم نے ڈی ایس پی کو ہدایت دیتے ہوئےکہا کہ وہ ایڈیشنل سیشن جج سے اپنے اس اقدام پر معافی مانگیں تب ہی ان کو اس کیس سے ڈسچارج کیا جائےگا۔
عدالت نے کیس کی سماعت 25 ستمبر تک ملتوی کر دی۔
