26 ستمبر ، 2023 
پاکستان
اِس وقت ملک میں نئی جماعت کی گنجائش موجود ہے کیونکہ پہلے سے موجود سیاسی جماعتیں ڈيلیور نہيں کرپائيں: سابق وزیر خزانہ— فوٹو: فائل
اسحاق ڈار کو وزیر بننے کا جنون تھا، نواز شریف کو شکایتیں لگاتے تھے: مفتاح اسماعیل
26 ستمبر ، 2023
مسلم لیگ (ن) کے سینیئر رہنما شاہد خاقان عباسی کے بعد مفتاح اسماعیل نے بھی نئی پارٹی کا اشارہ دے دیا۔
نجی ٹی وی کو ایک انٹرویو میں مفتاح اسماعیل کا کہنا تھاکہ اِس وقت ملک میں نئی جماعت کی گنجائش موجود ہے کیونکہ پہلے سے موجود سیاسی جماعتیں ڈيلیور نہيں کرپائيں۔
انہوں نے کہا کہ پہلے میں نے اور پھر شہباز شریف نے ملک کو ڈیفالٹ سے بچایا۔
ان کا کہنا تھاکہ اسحاق ڈار نے میرے خلاف ٹی وی پروگرامز کروائے، بیانات جاری کروائے کیونکہ انہيں وزیر بننے کا جنون تھا۔
سابق وزیر خزانہ کا کہنا تھاکہ اسحاق ڈار میرے کالمز اور ٹی وی پرو گرامز میں کی گئی گفتگو پر نواز شریف کو شکایتیں لگاتے تھے۔
