30 ستمبر ، 2023 
جرائم
ویڈیو: اے این ایف نے مہارت کے ساتھ پیاز میں چھپائی گئی منشیات پکڑ لی
30 ستمبر ، 2023
اینٹی نارکوٹکس فورس نے کراچی سے کنٹینر میں سبزیوں اور پھلوں کی آڑ میں بیرون ملک منشیات اسمگلنگ کی کوشش ناکام بنادی۔
ترجمان اے این ایف کے مطابق دوحہ کیلئے بک کیے گئے کنٹینر سے 3 من سے زائد چرس برآمد کی گئی ہے، تلاشی لینے پر پیاز سے بھرے کنٹینر میں چھپائی گئی 125 کلوگرام چرس برآمد ہوئی۔
ترجمان نے بتایا کہ پیاز کنٹینر میں حیدرآباد سے دوحہ کیلئے بک کرائے گئے تھے، برآمدہ چرس کو مہارت کے ساتھ پیاز کی جھلیوں میں چھپایا گیا تھا۔
ترجمان اے این ایف کا کہنا ہے کہ کنٹینر کراچی کی نجی کمپنی کی جانب سے قطر کیلئے بک کیا گیا تھا، منشیات قبضے میں لےکر ملوث ملزمان کی تلاش شروع کر دی گئی ہے۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
