04 اکتوبر ، 2023 
کھیل
سابق کپتان ویرات کوہلی نے سوشل میڈیا پیغام کے ذریعے ٹکٹ مانگنے والوں کو مشورہ دیا/ فائل فوٹو
فوٹو اسکرین گریب
کوہلی اور انوشکا میچ کی ٹکٹ مانگنے والوں سے تنگ، مداحوں کو مشورہ دیدیا
04 اکتوبر ، 2023
بھارتی ٹیم کے سابق کپتان اور اسٹار بیٹر ویرات کوہلی بھی میچ کی ٹکٹیں مانگنے والوں سے پریشان ہوگئے۔
بھارتی کرکٹر ویرات کوہلی نے اپنی انسٹاگرام اسٹوری پر لکھا کہ ’جیسا کہ ورلڈکپ شروع ہوچکاہے تو میں اپنے تمام دوستوں سے گزارش کرنا چاہتا ہوں کہ مجھ سے ٹکٹ کا تقاضہ نہیں کریں اور گھر میں بیٹھ کر ہی کرکٹ سے لطف اٹھائیں‘۔
کوہلی کی اسٹوری پر ان کی اہلیہ انوشکا شرما بھی پیچھے نہ رہیں اور انہوں نے شوہر کی بات کو آگے بڑھاتے ہوئے خود بھی سوشل میڈیا پر جاری بیان میں کہا کہ ’اور میں بھی یہ بتانا چاہتی ہوں کہ کوہلی کی جانب سے جواب نہ ملنے پر پلیز مجھ سے بھی درخواست نہیں کی جائے‘۔
اداکارہ نے بات کو سمجھنے کیلئے شکریہ بھی ادا کیا۔
