08 اکتوبر ، 2023 
اسلام آباد: وزارت اطلاعات کی خاتون افسر کے گھر مبینہ ڈکیتی، 10 تولہ سونا اور نقدی چوری
08 اکتوبر ، 2023
اسلام آباد میں تھانہ لوہی بھیر کی حدود میں وزارت اطلاعات کی خاتون افسر کے گھر مبینہ ڈکیتی میں ڈاکو گھر سے 10 تولے سونا اور 80 ہزار روپے لوٹ کر فرار ہو گئے۔
ذرائع کے مطابق تھانہ لوہی بھیر میں 3 اکتوبر کو ڈکیتی کا واقعہ پیش آیا جس کا مقدمہ درج کرلیا گیا ہے۔
مقدمے کے متن میں کہا گیا ہے کہ ڈاکو خود کو ایف آئی اے اہلکار بتا کر گھر میں تلاشی کے بہانے داخل ہوئے اور 10 تولے سونا اور 80 ہزار روپے لوٹ کر فرار ہو گئے۔
وزارت اطلاعات کی خاتون افسر کا کہنا ہے کہ ڈاکو گھر میں موجود لیپ ٹاپس، پرفیومز، کاسمیٹکس وغیرہ بھی لے گئے۔
متاثرہ خاتون افسر کے مطابق تھانہ لوہی بھیر پولیس کو 32 تولہ سونا ڈکیتی کی درخواست دی گئی ہے لیکن پولیس نے ایف آئی آر میں صرف 10 تولہ سونا لکھا۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
