ایڑی میں تکلیف سے پریشان؟ اس سے نجات دلانے والے آسان طریقے جانیں

ایڑی میں تکلیف کا سامنا دنیا بھر میں کروڑوں افراد کو ہوتا ہے۔

درحقیقت یہ پیروں کا سب سے عام مسئلہ تصور کیا جاتا ہے جس کی مختلف وجوہات ہو سکتی ہیں۔

کئی بار کیلشیئم کا اجتماع ایڑی کی تکلیف کا باعث بنتا ہے، کئی بار ورم بڑھنے سے ایسا ہوتا ہے۔

ایڑی میں تکلیف کے ساتھ سوجن اور ہڈی میں کمزوری جیسی پیچیدگیوں کا سامنا بھی ہو سکتا ہے۔

ایڑی میں اکثر درد کا سامنا ہوتا ہے؟ تو اس کی وجہ جان لیں

ہمارے پیر میں 26 ہڈیاں، 33 جوڑ اور 100 سے زائد پٹھے ہوتے ہیں اور ایڑی پیر کی سب سے بڑی ہڈی ہے۔

اس کا علاج ممکن ہے اور ڈاکٹر تکلیف کی وجہ کو مدنظر رکھ کر علاج تجویز کرتے ہیں جیسے ورزش، ورم کش ادویات اور سرجری وغیرہ۔

مگر چند آسان طریقوں سے بھی اس تکلیف سے نمٹنے میں مدد مل سکتی ہے۔

سیب کا سرکہ

سیب کے سرکے کو جِلد اور معدے کے مسائل کے لیے عام استعمال کیا جاتا ہے اور ایڑی کی تکلیف میں کمی لانے کے لیے بھی یہ مؤثر ثابت ہو سکتا ہے۔

جوڑوں کی تکلیف میں کمی لانے والے بہترین طریقے

چند گھریلو ٹوٹکوں سے جوڑوں کی تکلیف میں کمی لانا ممکن ہے۔

اس مقصد کے لیے گرم پانی سے بالٹی کو بھر کر اس پر سرکے کی کچھ مقدار کو شامل کریں اور متاثرہ پیر کو چند منٹ کے لیے اس میں بھگو دیں۔

برف سے مدد لیں

اگر آپ ایڑی کی تکلیف میں فوری کمی لانا چاہتے ہیں تو آئس پیک سے مدد لے سکتے ہیں۔

آئس پیک کو چند منٹ کے لیے متاثرہ حصے پر رکھنے سے سوجن اور تکلیف میں نمایاں کمی آتی ہے۔

وہ 10 علامات جو ہارٹ اٹیک کا اشارہ ہو سکتی ہیں

ہارٹ اٹیک کی مخصوص علامات ہوتی ہیں جن کو محسوس کرکے لوگ فوری طبی امداد کے لیے رجوع کر سکتے ہیں۔

البتہ برف کو براہ راست ایڑی پر استعمال کرنے سے گریز کریں، آئس پیک کی مدد لیں یا تولیے میں لپیٹ کر استعمال کریں۔

روزمیری آئل یا ناریل کے تیل کا استعمال

روزمیری یا لیونڈر آئل سے متاثرہ پیر پر مالش سے ایڑی کی تکلیف میں کمی آسکتی ہے۔

اس کے ساتھ ساتھ ناریل کے تیل اور زیتون کے تیل کا استعمال بھی کیا جا سکتا ہے جس سے ایڑی کی تکلیف میں کمی آتی ہے۔

وہ عجیب چیزیں جو دماغ کو بدل دیتی ہیں

دماغ ایک پراسرار عضو ہے اور ابھی بھی ہمیں اس کے بارے میں بہت کچھ معلوم نہیں۔

ناریل اور زیتون کا تیل ورم کش ہوتا ہے جبکہ ناریل کے تیل سے ایڑیاں نرم ہوتی ہیں جس سے بھی تکلیف میں کمی آتی ہے۔

بیکنگ سوڈا

بیکنگ سوڈا بھی اس حوالے سے مددگار ثابت ہو سکتا ہے۔

آدھا چائے کا چمچ بیکنگ سوڈا پانی میں ملا کر پیسٹ بنائیں اور اسے ایڑی پر لگائیں۔

آخر بیشتر افراد کو دن بھر بیٹھنے کے باوجود تھکاوٹ کا سامنا کیوں ہوتا ہے؟

پورا دن بیٹھنے کے باوجود تھکاوٹ کیوں محسوس ہوتی ہے جیسے دن بھر مشقت کرتے رہے ہیں؟

السی کا تیل

السی کے تیل میں اومیگا 3 فیٹی ایسڈز موجود ہوتے ہیں جو ورم میں کمی لاتے ہیں۔

السی کے تیل کی کچھ مقدار کو پانی میں شامل کریں اور ایک تولیے کو اس محلول میں بھگو کر متاثر حصے پر لپیٹ دیں۔

اس تولیے کو ایک گھنٹے تک متاثرہ حصے پر رکھیں اور اس دوران چلنے پھرنے سے گریز کریں۔

وہ عام اور آسان عادات جو ذیابیطس جیسے مرض سے بچا سکتی ہیں

موجودہ عہد میں جوان افراد میں بھی یہ بیماری تیزی سے عام ہو رہی ہے۔

اپسم نمک

اپسم نمک میں میگنیشم کی مقدار کافی زیادہ ہوتی ہے جو ہڈیوں کے لیے مفید ہوتی ہے۔

نمک کی کچھ مقدار کو پانی میں ملائیں اور متاثرہ پیر کو اس میں بھگو دیں۔

ورم کش غذائیں

ہلدی، ادرک، زیرہ اور سرخ مرچ وغیرہ سے ورم میں کمی آتی ہے۔

گاڑی میں سفر کے دوران متلی سے پریشان؟ اس سے بچنے کیلئے بہترین گھریلو ٹوٹکے جانیں

اسے طبی زبان میں موشن سکنس کہا جاتا ہے جس کے شکار افراد کو متلی، قے، سر چکرانے اور دیگر مسائل کا سامنا ہوتا ہے۔

ان غذاؤں میں موجود اینٹی آکسائیڈنٹس اور پولی فینول مرکبات ورم میں کمی لاتے ہیں۔

ایک چائے کے چمچ ادرک کے سفوف، ہلدی یا سرخ مرچ کو گرم پانی میں ملائیں اور اس مشروب کو ایڑی میں تکلیف ہونے پر پی لیں۔

زیرے کو پانی میں ابال کر تکلیف ہونے پر پی لیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔