16 اکتوبر ، 2023 
پاکستان
سکیورٹی کے پیش نظر جیل ٹرائل چیئرمین پی ٹی آئی کے حق میں ہے، پھر بھی جیل ٹرائل پر تحفظات ہوں تو ٹرائل کورٹ سے رجوع کر سکتے ہیں: اسلام آبا ہائیکورٹ — فوٹو فائل
عمران خان کو جیل ٹرائل کیخلاف ہائیکورٹ سے ریلیف نہ مل سکا، درخواست واپس بھجوا دی
16 اکتوبر ، 2023
اسلام آباد ہائیکورٹ نے سائفر کیس میں پاکستان تحریک انصاف (پی ٹی آئی) کی جیل ٹرائل کے خلاف درخواست نمٹاتے ہوئے ٹرائل کورٹ سے رجوع کرنے کی ہدایت کردی ہے۔
اسلام آباد ہائیکورٹ کے چیف جسٹس عامر فاروق نے درخواست نمٹانے کا فیصلہ سنایا۔ عدالت نے فیصلے میں لکھا کہ سکیورٹی کے پیش نظر جیل ٹرائل چیئرمین پی ٹی آئی کے حق میں ہے۔
فیصلے میں کہا گیا ہے کہ چیئرمین پی ٹی آئی خود اپنی سکیورٹی کے حوالے سے متعدد بار خدشات کا اظہار کرچکے ہیں، بظاہر جیل ٹرائل کے معاملے پر کوئی بد نیتی نظر نہیں آئی، جیل ٹرائل پر تحفظات ہوں تو پٹیشنر ٹرائل کورٹ سے رجوع کر سکتے ہیں۔
یاد رہے کہ چیئرمین پی ٹی آئی نے سائفر کیس کے جیل ٹرائل کے خلاف درخواست دائر کی تھی۔
