21 نومبر ، 2023 
پاکستان
فوٹو: فائل
پنجاب حکومت کا اسموگ کے خاتمےکیلئے مصنوعی بارش برسانے پر غور
21 نومبر ، 2023
پنجاب حکومت لاہور میں اسموگ کے خاتمےکے لیے مصنوعی بارش برسانے پر غور کر رہی ہے۔
چیف میٹرولوجسٹ محکمہ موسمیات چوہدری اسلم نے جیو نیوز سے گفتگو میں کہا کہ 28 یا 29 نومبر کو مصنوعی بارش نہیں برسائی جارہی، شہر میں مصنوعی بارش کے لیے تیاریاں کی جا رہی ہیں۔
چوہدری اسلم نے بتایا کہ مصنوعی بارش کے لیے بادلوں پر خاص قسم کا اسپرے کیا جاتا ہے، اسپرے کےکچھ دیربعد مصنوعی بارش ہوتی ہے، بارش کا دورانیہ 45 منٹ یا اس سے زیادہ بھی ہوسکتا ہے، مصنوعی بارش سے اسموگ پر بہت فرق پڑے گا۔
چیف میٹرولوجسٹ کا کہنا تھا کہ آئندہ ماہ میں مصنوعی بارش متوقع ہے، 2001 اور 2002 میں بھی موسم گرما اور موسم سرما میں پاک فوج کے طیاروں کی مدد سے مصنوعی بارش برسائی گئی تھی۔
