مہنگائی کے ستائے کراچی کے شہریوں کیلئے بجلی مزید مہنگی

کراچی کے شہریوں کیلئے بجلی مزید مہنگی کردی گئی۔

نیشنل الیکٹرک پاور ریگولیٹری اتھارٹی (نیپرا)  نے کے الیکٹرک صارفین پر ایک روپے 52 پیسے فی یونٹ سر چارج عائد کرنے کی منظوری دے دی۔

نیپرا کے اعلامیے کے مطابق وفاقی حکومت کی درخواست پر نیپرا نے اضافی سرچارج لگانے کی منظوری دی۔

نیپراکے اعلامیے میں کہا گیا ہے کہ کے الیکٹرک صارفین پر اضافی سر چارج دسمبر 2023 سے نومبر 2024 تک لاگو رہے گا، اضافی سرچارج سے کے الیکٹرک کے صارفین پر 24 ارب 50 کروڑ روپے سے زائد کا بوجھ پڑے گا۔

بینکوں کے غیرملکی کرنسی کاروبار میں غیرمعمولی منافع پر40 فیصدٹیکس عائد

بینکوں کو ونڈ فال منافع پر اضافی ٹیکس 30 نومبر 2023 تک ادا کرنا ہو گا

اعلامیے  کے مطابق نیپرا نے منظوری کے بعد فیصلہ وفاقی حکومت کو بجھوا دیا ہے ۔

ذرائع کا کہنا ہے کہ وفاقی حکومت سرچارج عائد کیے جانے کا حتمی نوٹیفکیشن جاری کرے گی، اضافے کا اطلاق کے الیکٹرک کے لائف لائن صارفین پر نہیں ہوگا۔