اسموگ: لاہور میں مصنوعی بارش کیلئے 35 کروڑ کا تخمینہ، چینی ماہرین جلد آئیں گے

لاہور: پنجاب میں اسموگ سے نمٹنے کیلئے مصنوعی بارش پر غور کیا جارہا ہے۔

ذرائع وزارت خزانہ کے مطابق لاہور میں مصنوعی بارش کرنے پر 35کروڑ روپے کا تخمینہ لگایا گیا ہے۔

ذرائع نے بتایا کہ اس حوالے سے سیکرٹری خزانہ کی بھجوائی گئی سمری نگران وزیر اعلیٰ کی اجازت سے مشروط ہوگی۔

نگران وزیر اطلاعات پنجاب  عامر میر نے کہا ہے کہ کلاؤڈ سیڈنگ مصنوعی بارش برسانے میں سب سے  تیز ٹیکنالوجی ہے جس کیلئے چین سے بات ہو گئی ہے اور جلد چینی ماہرین پاکستان آئیں گے۔

انہوں نے کہا کہ نگران وزیراعلیٰ پنجاب کی کوشش ہے کہ رواں سال ہی مصنوعی بارش کا تجربہ کیا جائے۔

لاہور آج صبح بھی دنیا کے آلودہ شہروں میں پہلے نمبر پر رہا

پنجاب کے دیگر شہر گوجرانوالہ، فیصل آباد اور ملتان میں بھی اسموگ کے ڈیرے برقرار ہیں۔

پنجاب: اسموگ کے باعث مصنوعی بارش پر غور، مصنوعی بارش کیسے کی جاتی ہے؟

پنجاب حکومت صوبے کے مختلف اضلاع میں اسموگ پر قابو پانے کیلئے مصنوعی بارش پر غور کررہی ہے