پاکستان
17 جنوری ، 2013
17 جنوری ، 2013 
جماعتِ اسلامی کی طاہرالقادری کے دھرنے میں شرکت سے معذرت
17 جنوری ، 2013
لاہور … جماعتِ اسلامی نے علامہ طاہر القادری کے دھرنے میں شرکت کی دعوت پر معذرت کر لی ہے اور کہا ہے کہ طاہر القادری چاہیں تو اپوزیشن جماعتیں مل کر انہیں درپیش صورتحال سے نجات کیلئے مثبت تعاون کرسکتی ہیں۔ جماعتِ اسلامی کے سیکریٹری جنرل لیاقت بلوچ نے منصورہ سے جاری بیان میں کہا کہ تحریکِ منہاج القرآن کے رہنما آغا مرتضیٰ پویا نے انہیں دھرنے میں شرکت کی دعوت دی تھی، لیکن وہ اس پر معذرت کرتے ہیں اور کہتے ہیں کہ طاہر القادری چاہیں تو اپوزیشن جماعتیں مل کر انہیں درپیش صورتحال سے نجات کیلئے مثبت تعاون کر سکتی ہیں۔ لیاقت بلوچ کا کہنا تھا کہ تمام جمہوری قوتیں آئین کے تحفظ اور بروقت انتخابات کیلئے یک آواز ہو جائیں۔
