برطانیہ میں مقیم لوگوں کا رشتہ داروں کو اپنے پاس بلانا مزید مشکل ہوگیا

برطانیہ  میں مقیم لوگوں کا  اپنے  رشتہ داروں کو  اپنے پاس  بلانا  اب  اور  بھی مشکل ہوگیا ہے۔

رپورٹ کے مطابق برطانیہ کی کنزرویٹو  حکومت کی جانب سے نئی ویزا پالیسی کا اعلان برطانیہ  آنے  والوں کی تعداد کم کرنےکے لیےکیا گیا ہے۔

نئی ویزا پالیسی کے تحت اپنےگھر  والوں کو  برطانیہ بلانےکے لیے سالانہ آمدن کی شرط 18 ہزار  600  پاؤنڈ سے بڑھا کر کم از کم  38 ہزار 700 پاؤنڈ کردی گئی ہے۔

ہنر مند ورکرز کے برطانیہ آنےکے لیےکم از کم تنخواہ کی شرط 26 ہزار 200 پاؤنڈ سے بڑھا کر 38 ہزار 700 پاؤنڈ کی گئی ہے۔

نئی ویزا پالیسی کی ان شرائط کا نفاذ صحت کے شعبے سے تعلق رکھنے  والے  ورکرز  پر نہیں ہوگا۔

اعلیٰ تعلیم  حاصل کرنےکے لیے برطانیہ  آنے  والے طلبا کو  بھی اپنے  رشتہ  داروں کو  بلانے کی اجازت  نہیں ہوگی۔