21 دسمبر ، 2024 
غزہ: غیر قانونی اسرائیلی آباد کاروں کا مسجد پر دھاوا ، متنازع نعرےبازی کے بعد آگ لگادی
21 دسمبر ، 2024
غزہ کے مقبوضہ مغربی کنارے پر اسرائیلی آبادکاروں نے دھاوا بول دیا جس دوران مسجد کے داخلے دروازے کو بھی آگ لگادی گئی۔
غیر ملکی خبر رساں ادارے کے مطابق غزہ کے مغربی کنارے پر واقع سلفیت کے علاقے کی مسجد پر غیر قانونی اسرائیلی آباد کاروں کی جانب سے حملہ کیا گیا جس دوران اسرائیلی آباد کاروں نے مسجد کے داخلی دروازے کو آگ لگاتے ہوئے توڑ پھوڑ کی اور مسجد کی دیواروں پر اسپرے پینٹ میں کلچر اور دھمکی آمیز نعرے لکھے۔
یہودی آباد کاروں کی جانب سے مسجد کی دیوار پر ’عربوں کی موت‘ اور ’ بدلہ ‘ جیسے ناپاک نعرے درج کیے گئے۔
مسجد سے سامنے آئی ویڈیو میں ایک نقاب پوش شخص سمیت کچھ لوگوں کو مسجد کی دیواروں پر اسپرے پینٹ کرتے ہوئے دیکھا جا سکتا ہے۔
دوسری جانب صیہونی فوج نے غزہ کے شمالی علاقے بیت لاہیا کے کمال عدوان اسپتال پر ڈرون حملہ کیا جس کے نتیجے میں 77 فلسطینی شہید ہوگئے۔
ادھر سوئیڈن نے اقوام متحدہ کے امدادی ادارے کو مزید فنڈز دینے سے انکار کردیا ہے۔
ڈاکٹرز ودآؤٹ بارڈرز نے نئی رپورٹ میں انکشاف کیا ہے کہ غزہ میں اسرائیلی فوج کی جانب سے نسل کشی کے واضح ثبوت ملے ہیں۔
مزید خبریں :
ہیومن رائٹس واچ نے اسرائیل پر غزہ میں نسل کشی کا الزام لگا دیا
20 دسمبر ، 2024
نائجیریا: اسکول کے میلے میں بھگدڑ مچنے سے 35 بچے جاں بحق
19 دسمبر ، 2024
