Election 2024 Election 2024

کھیل
Time 10 دسمبر ، 2023

عالمی جونیئر اسکواش چیمپئن شپ میں پاکستان کے ریان زمان نے چاندی کا تمغہ جیت لیا

فوٹو: سوشل میڈیا
فوٹو: سوشل میڈیا

انٹرنیشنل جونیئر اسکواش چیمپئن شپ کی انڈر 9 کیٹیگری میں پاکستان کے ریان زمان نے چاندی کا تمغہ جیت لیا ،فائنل میں دلچسپ مقابلے کے بعد ہانگ کانگ کے لیونگ سانگو نے تین دو سے کامیابی اپنے نام کی۔

کوالالمپور میں جونیئرچیمپئن شپ کے انڈر 9 کیٹیگری کے فائنل میں پاکستان کے محمد ریان زمان اور ہانگ کانگ کے کھلاڑی لیونگ سانگو کے درمیان دلچسپ مقابلہ ہوا۔

میچ پورے 5گیمز تک جاری رہا جس میں لیونگ سانگو نے دو کے مقابلے میں تین گیمز سے کامیابی اپنے نام کی اور گولڈ میڈل جیت لیا جبکہ 7سالہ ریان زمان نے چاندی کا تمغہ حاصل کرلیا۔

 یہ ریان کا پہلا انٹرنیشنل ایونٹ ہے، وہ سابق اسکواش پلیئر منصور زمان کے صاحبزادے اور قمر زمان کے پوتے ہیں۔

مزید خبریں :