18 جنوری ، 2013 
تیسرا ون ڈے: سری لنکا کیخلاف آسٹریلیا 74 رنز پر ڈھیر
18 جنوری ، 2013
برسبین…تیسرے ایک روزہ میچ میں سری لنکا کے خلاف آسٹریلیا کی ٹیم صرف 74 رنز پر ڈھیر ہوگئی۔ کلاسیکارا نے 5 وکٹیں حاصل کیں۔ برسبین میں کھیلے جارہے تیسرے ایک روزہ انٹرنیشنل میچ میں آسٹریلیا نے ٹاس جیت کر بیٹنگ کا فیصلہ کیا، میزبان ٹیم کو ابتداء ہی سے مشکلات کا سامنا کرنا پڑا اور صرف 4 کے اسکور پر وارنر پویلین واپس لوٹ گئے، اس کے بعد تو جیسے لائن لگ اور وکٹیں سوکھے پتوں کی طرح وقفے وقفے گرتی رہیں، 28 کے مجموعی اسکورپر آدھی ٹیم پویلین واپس لوٹ چکی تھی، صرف اسٹارک اور ڈوہرٹی ڈبل فیگر میں اسکور کرسکے، انہوں نے بالترتیب 22 اور 15 رنز بنائے۔ کلاسیکارا شاندار بالنگ کا مظاہرہ کرتے ہوئے 22 رنز کے عوض 5 ، ملنگا نے 3 جبکہ میتھیوز اور ایرنگا نے ایک ایک وکٹ حاصل کی۔ پانچ میچوں پر مشتمل سیریز ایک ایک سے برابر ہے۔
