دوسروں کی زندگیوں میں دخل نہ دینا بہتر ہے: ارباز کی دوسری شادی پر والد سلیم خان کا ردعمل

بالی وڈ انڈسٹری کے سینئر ہدایت کار اور ارباز خان کے والد سلیم خان نے بیٹے کی دوسری شادی پر ہونے والی چہ مگوئیوں پر اپنے ردعمل کا اظہار کیا ہے۔

گزشتہ ہفتے اداکار ارباز خان نے میک اپ آرٹسٹ شورا خان سے دوسری شادی کی جس کی تصاویر بھی سوشل میڈیا پر زیر گردش ہے۔

بھارتی میڈیا کے مطابق سلیم خان سے ایک انٹرویو میں بیٹے کی دوسری شادی سے متعلق سوال کیا گیا جس پر انہوں نے کہا کہ ارباز اور شورا نے شادی کا فیصلہ کیا اور میرے خیال سے یہ کوئی گناہ نہیں ہے، میں اپنے بیٹے کیلئے بہت خوش ہوں اور نئے جوڑے کیلئے دعا گو بھی ہوں۔

انہوں نے کہا میں نہیں سمجھتا کہ اس پر بحث کی کوئی ضرورت تھی، وہ نوجوان، تعلیم یافتہ اور سمجھدار ہے اور اپنے فیصلے خود کر سکتا ہے، اسے میری اجازت کی کوئی ضرورت نہیں، اگر وہ خوش ہے تو پھر کسی چیز کی اہمیت نہیں۔

سلیم خان کا کہنا تھا کہ ارباز نے بتایا کہ وہ شادی کرنے والا ہے اور میں نے کہا کہ ٹھیک ہے اور میرا یہ خیال ہے کہ کسی کی زندگی میں دخل اندازی نہ کرنا بہتر ہے کیونکہ اس سے مسائل پیدا ہوتے ہیں۔

واضح رہے کہ اس سے قبل ارباز خان کی پہلی شادی ماڈل و اداکارہ ملائکہ اروڑہ سے ہوئی تھی، دونوں کی شادی 19 سال تک چلی جس کے بعد انہوں نے 2016 میں راہیں جدا کرلیں، دونوں کا ایک بیٹا ارہان بھی ہے۔

ارباز خان نے میک اپ آرٹسٹ شورا سے دوسری شادی کرلی، تصاویر سامنے آگئیں

ارباز اور شورا کی ملاقات نئی فلم 'پٹنہ شکلا' کے دوران ہوئی تھی

ارباز خان جلد میک اپ آرٹسٹ شورا خان سے شادی کرینگے: بھارتی میڈیا

شورا خان ایک میک اپ آرٹسٹ ہیں جو اداکارہ روینا ٹنڈن اور ان کے بیٹی کے ساتھ کام کرتی ہیں: بھارتی میڈیا