31 دسمبر ، 2023
گزشتہ سروے کے مقابلے میں پاکستان کی 61 فیصد تاجر برادری نے مستقبل کے حوالے سے اچھی امید کا اظہار کیا ہے۔
گزشتہ سروے کے مقابلے میں تاجر برادری کا اعتماد 21 فیصد بڑھا جبکہ مایوسی کا اظہار کرنے والے تاجروں کی شرح 23 فیصد گھٹ کر 38 فیصد ہوگئی۔
گیلپ پاکستان نے بزنس کانفیڈنس انڈیکس کی نئی سروے رپورٹ جاری کردی جس میں موجودہ کاروباری صورتِ حال کو بہتر کہنے والے تاجروں کی شرح 12 فیصد اضافے کے بعد 49 فیصد جبکہ کاروباری صورتِ حال کو خراب کہنے والوں کی شرح 13 فیصد کمی کے بعد 50 فیصد پر آگئی۔
سروے کے مطابق مہنگائی اور یوٹیلٹی بلوں میں اضافہ تاجروں کے اہم مسائل میں سرِفہرست ہے جبکہ سیاسی عدم استحکام پر تشویش میں اضافہ ہوا ہے۔