2024 میں بھی مہنگائی کا عوام کو خوش آمدید، سبزیوں کی قیمتوں میں 100 فیصد سے زائد اضافہ

شہریوں کے لیے مہنگائی میں کمی کا خواب، خواب ہی رہا، 2024 میں بھی مہنگائی نے عوام کو ویلکم کر دیا۔

گزشتہ سال کے مقابلے میں سال نو کے آغاز پر ملک میں سبزیوں کی قیمتوں میں 100فیصد سے زیادہ کا اضافہ ہوگیا۔

2023 کے آغاز میں 45 روپے کلو ملنے والا ٹماٹر ،2024 میں 100 روپے کلو میں دستیاب ہے۔

سال 2023: مہنگائی میں 13 فیصد اضافہ، آخری ماہ میں 42.6 فیصد تک جا پہنچی

پاکستان میں گزشتہ سال مہنگائی کی 29.3 ریکارڈ کی جانے والی شرح رواں سال کے اختتام پر 42.6 فیصد تک چلی گئی

50 روپے کلو والا آلو، 80 روپے، 500 روپے والی ادرک ،سال نوپر 800 روپے فی کلو ہوگئی ہے جبکہ پیازکی قیمت نے بھی عوام کے آنسو نکال دیے  ہیں،200 روپے والی پیاز 250 سے اوپر چلی گئی  ہے۔

اس کے علاوہ 60 روپے والی لوکی 160 روپے،100 روپے والا مٹر 200 سے 300 روپے، 2023 کے آغاز پر 200 روپےمیں دستیاب مرچ سال نو پر 320 میں مل رہی ہے۔