02 جنوری ، 2024 
پاکستان
دونوں رہنماؤں نے سیاسی درجہ حرارت کو نارمل رکھنے پر اتفاق کیا: ذرائع— فوٹو:فائل
ایاز صادق اور خورشید شاہ کی ملاقات، اپنی قیادت کے پیغامات پہنچائے
02 جنوری ، 2024
مسلم لیگ (ن) کے رہنما سردار ایاز صادق اور پیپلزپارٹی کے سینیئر رہنما خورشید شاہ کی ملاقات ہوئی ہے۔
ذرائع کے مطابق دونوں رہنماؤں کے درمیان ملاقات مقامی ہوٹل میں ہوئی جس میں سیاسی صورتحال اورانتخابات سے متعلق تبادلہ خیال کیا گیا۔
ذرائع نے بتایاکہ دونوں رہنماؤں نے سیاسی درجہ حرارت کو نارمل رکھنے پر اتفاق کیا جبکہ سیاسی استحکام اور رواداری قائم رکھنےپر بھی اتفاق ہوا۔
ذرائع کا کہنا ہے کہ دونوں رہنماؤں نے اپنی قیادت کے پیغام بھی ایک دوسرےکو پہنچائے۔
