پاکستان ٹیم کا آخری ٹیسٹ کھیلنے والے وارنر کو خراج تحسین، تحفہ بھی دیا

پاکستانی ٹیم نے اپنا آخری ٹیسٹ کھیلنے والے آسٹریلوی اوپنر ڈیوڈ وارنر کو خراج تحسین پیش کیا اور ساتھ تحفہ بھی دیا۔

پاکستان اور آسٹریلیا کے درمیان تین ٹیسٹ میچوں کی سیریز کے آخری ٹیسٹ میں کینگروز نے گرین کیپس کو 8 وکٹوں سے شکست دیکر سیریز میں وائٹ واش کر دیا۔

اپنا آخری ٹیسٹ کھیلنے والے ڈیوڈ وارنر نے ٹیسٹ کیرئیر کی آخری اننگز میں 57 رنز اسکور کیے اور ساجد خان کی گیند پر ایل بی ڈبلیو ہو گئے۔

ڈیوڈ وارنر جب آؤٹ ہو کر گراؤنڈ سے باہر جانے لگے تو پاکستانی کھلاڑیوں اور سڈنی اسٹیڈیم میں موجود تماشائیوں نے انہیں تالیاں بجا کر داد دی۔

آسٹریلیا نے پاکستان کو ٹیسٹ سیریز میں وائٹ واش کردیا

پاکستان کا تیسرے ٹیسٹ میں بھی فلاپ شو، پاکستان کو میلبرن ٹیسٹ میں 79 رنز اور پرتھ ٹیسٹ میں 360 رنزکے بھاری مارجن سے شکست ہوئی تھی

بعدازاں انعامات کی تقریب کے دوران پاکستان ٹیم کے کپتان شان مسعود نے ڈیوڈ وارنر کو پاکستانی ٹیم کی جانب سے مبارکباد پیش کی اور انہیں بابر اعظم کی شرٹ بطور تحفہ پیش کی جس پر تمام پاکستانی کھلاڑیوں کے دستخط موجود تھے۔