07 جنوری ، 2024 
پاکستان
مڈل، ہائی اور ہائر سیکنڈری اسکولوں کےاوقات بھی تبدیل کردیے گئے— فوٹو: فائل
خیبرپختونخوا میں پرائمری اسکولوں کی چھٹیاں مزید بڑھا دی گئیں
07 جنوری ، 2024
خیبرپختونخوا میں سرکاری اور نجی پرائمری اسکولوں کی چھٹیوں میں اضافہ کردیا گیا۔
محکمہ تعلیم خیبرپختونخوا نے چھٹیوں میں اضافے کا نوٹیفکیشن جاری کردیا۔ اعلامیے کے مطابق صوبے کے نجی اور سرکاری پرائمری اسکول 13 جنوری تک بند رہیں گے۔
مڈل، ہائی اور ہائر سیکنڈری اسکولوں کےاوقات بھی تبدیل کردیے گئے۔
اعلامیے میں کہا گیا ہے کہ مڈل، پرائمری، ہائرسیکنڈری اسکول صبح ساڑھے 9 بجے کھل کر ساڑھے تین بجے بند ہوں گے۔
خیال رہے کہ خیبرپختونخوا کے گرمائی علاقوں میں کل پیر سے تمام اسکول کھلنا تھے، چھٹیوں کا فیصلہ دھند اور سردی کی شدت میں اضافے کی وجہ سے کیا گیا۔
