20 جنوری ، 2013 
احتجاج کرنے والوں پر لاٹھی اور گولی نہیں چلائی جاتی،خورشید شاہ
20 جنوری ، 2013
سکھر …وفاقی وزیر مذہبی امور سید خورشید احمد شاہ نے کہا ہے کہ احتجاج کرنے والوں پر لاٹھی چارج کیا جاتا ہے نہ گولی چلائی جاتی ہے، بلکہ گفتگو سے مسائل کا حل نکالا جاتا ہے۔ سکھر کے علاقے تیر چوک میں جلسے سے خطاب کر تے ہوئے خورشید شاہ نے کہا کہ اسلام آباد میں دھرنا دیا گیا لوگوں نے کہاکہ حکومت ختم ہو گئی اسلام آباد بند ہو گیا لیکن ہم نے لاٹھی اور گولی چلائے بغیر مسئلہ حل کیا، کیونکہ اگر ہم ایسا نہیں کر تے تو اس ملک پر پھر کوئی قبضہ کر لیتا اور دس سال تک اقتدار اس کے پاس چلاجاتا،انہوں نے مزید کہا کہ جس دن سے پیپلز پارٹی کی جمہوری حکومت اقتدار میں آئی ہے اس دن سے لوگ تاریخیں دے رہیں کہ حکومت گئی، ملک کو کوئی مسئلہ ہو ہر دفعہ یہ ہی کہا گیا کہ پی پی حکومت گئی۔
