پاکستان
21 جنوری ، 2013
21 جنوری ، 2013 
جھنگ: رنگ روڈ پر مبینہ پولیس مقابلہ، 3ڈاکو ہلاک ، 3فرار
21 جنوری ، 2013
جھنگ…جھنگ میں مبینہ پولیس مقابلے کے دوران اشتہاری ملزم رمضان عرف رمضانی بلوچ سمیت 3 ڈاکو ہلاک ہوگئے، جبکہ ان کے 3 ساتھی فرار ہوگئے۔ پولیس کے مطابق اطلاع ملی تھی کہ چھ ڈاکو صوفی موڑ کے قریب بائی پاس پر ڈکیتی کی واردات کررہے ہیں، جس پر تھانہ صدر پولیس موقع پر پہنچی تو ملزمان نے پولیس پر فائرنگ کردی، پولیس کی جوابی فائرنگ سے 3 ڈاکو ہلاک ہوگئے۔ پولیس کے مطابق ہلاک ہونے والوں میں اشتہاری ملزم رمضان عرف رمضانی بلوچ بھی شامل ہے جس کے سر کی قیمت 10 لاکھ روپے مقرر تھی۔ ملزم رمضان جھنگ، خوشاب، سرگودھا اور چنیوٹ پولیس کو قتل، ڈکیتی، اغوا برائے تاوان اور دیگر 70 مقدمات میں مطلوب تھا۔
