01 فروری ، 2024 
سندھ میں تمام تعلیمی ادارے 6 سے 9 فروری تک بند رکھنے کا فیصلہ
01 فروری ، 2024
پنجاب کے بعد سندھ میں بھی تمام تعلیمی ادارے 6 سے 9 فروری تک بند رکھنے کا فیصلہ کیا گیا ہے۔
محکمہ تعلیم سندھ کے مطابق ملک میں عام انتخابات کی وجہ سے صوبے بھر میں 6 سے 9 فروری تک تمام نجی وسرکاری اسکول،کالج اورجامعات بند رہیں گی۔
سندھ میں تعلیمی اداروں کے بچے 9 چھٹیاں انجوائے کریں گے ، اس سے پہلے اتوار اور ہفتے کی چھٹی، اسی طرح 9 فروری کے بعد پھر 10 اور 11 کو ہفتہ اور اتوار کی چھٹی ہوگی، 5 فروری کو سندھ میں کشمیر ڈے کی تعطیل کا اعلان پہلے ہی کیا جا چکا ہے۔
سندھ میں سرکاری ونجی تعلیمی اداروں میں چھٹیوں کی سمری نگران وزیراعلیٰ مقبول باقر نے منظور کرلی۔
گزشتہ روز مطابق پنجاب کابینہ نے عام انتخابات کے سلسلے میں تمام اسکول کالجز اور یونیورسٹیز 6 سے 9 فروری تک بند رکھنے کا فیصلہ کیا تھا۔
واضح رہے کہ ملک میں عام انتخابات 8 فروری کو شیڈول ییں جس کے سلسلے میں بھرپور تیاریاں جاری ہیں۔
