کراچی میں بارش اور بدترین ٹریفک جام، دلہا دلہن کو شادی کی رات رشتے دار کے گھر گزارنا پڑی

کراچی میں ہفتے کی رات اچانک ہونے والی تیز بارش اور سڑکوں پر  بدترین ٹریفک جام کے باعث دلہا دلہن کو شادی کی رات قریبی عزیز کے گھر گزارنا پڑ گئی۔

شاہ فیصل سے نارتھ کراچی آنے والی ایک بارات کے دلہا امجد اور دلہن کو شدید بارش کے باعث رات شادی کے ہال کے قریب اپنے عزیز کے گھر گزارنا پڑی۔

کراچی میں موسلا دھار بارش کے بعد نشیبی علاقے زیر آب، متعدد علاقوں میں بجلی غائب

بارش کا پانی جناح اسپتال کےگائنی وارڈ کے آپریشن تھیٹر میں داخل ہوگیا، سول اسپتال کے میڈیکل وارڈ نمبر 3 میں بارش کا پانی داخل ہوگیا

رخصتی کے بعد ٹریفک جام کی وجہ سے نوبیاہتا جوڑے کے لیے گھر پہنچنا ناممکن ہوگیا تھا۔

بارش اور  سڑکوں پر سیلابی صورتحال کی وجہ سے دیگر کئی باراتیں بھی رخصتی کے بعد کئی گھنٹے کی تاخیر سے اپنے گھروں کو  واپس آئیں۔