23 جنوری ، 2013 
پاکستانیوں کی شاہ خرچیاں: جولائی تا دسمبر 33 ارب کے موبائل درآمد
23 جنوری ، 2013
کراچی … پاکستانی بھی عجیب ہیں ایک طرف مہنگائی کا رونا روتے ہیں تو دوسری جانب اپنی شاہ خرچیاں بھی کم نہیں کرتے۔ مہنگائی کے باوجود سونے اور موبائل فونز کی خریداری میں کمی نہیں آئی، جولائی سے دسمبر تک پاکستانیوں نے 33 ارب روپے کے موبائل درآمد کئے گئے، جبکہ گزشتہ سال ان کا حجم 29 ارب ر وپے تھا۔ خرچے کی بات ہو اور خواتین پیچھے رہ جائیں یہ کیسے ممکن ہے۔ چھ ماہ میں 10 ارب65 کروڑ روپے کا سونا درآمد کیا گیا اور گزشتہ سال کے مقابلے میں سونے کی خریداری 29 فیصد زائد رہی اس کے علاوہ 6 ماہ میں پاکستانی 64 ہزار ٹن کی چائے پی گئے جس کی مالیت 17 ارب روپے ریکارڈ کی گئی۔ مزے مزے کے پکوان کیلئے 97 ارب کا پام آئل درآمد کیا گیا جبکہ 4 ارب روپے کا سویا بین تیل اس کے علاوہ ہے۔ پرتعیش اشیاء کی درآمد سے تجارتی خسارے میں اضافہ ہورہا ہے جس سے غیر ملکی ادائیگیوں کا دباوٴ بڑ ھ رہا ہے۔
مزید خبریں :
حکومت نے پیٹرولیم مصنوعات کی قیمتوں میں اضافہ کردیا
10 گھنٹے پہلے
سونے کی قیمت میں مزید ہزاروں روپے کا اضافہ ہوگیا
13 جون ، 2025
سونے کی فی تولہ قیمت میں ہزاروں روپے کا اضافہ
12 جون ، 2025
