04 مارچ ، 2024 
نیشنل شوٹنگ چیمپئن شپ، نیوی کی ٹیم نے ایک اور ریکارڈ اپنے نام کرلیا
04 مارچ ، 2024
نیشنل شوٹنگ چیمپئن شپ میں دوسرے روز بھی نئے ریکارڈ کا سلسلہ نہ رکا، پران رائفل میں پاکستان نیوی کی ٹیم نے ایک اور نیا ریکارڈ اپنے نام کرلیا۔
پی این ایس کارساز شوٹنگ رینج میں ہونے والی 31 ویں نیشنل شوٹنگ چیمپئن شپ کے دوسرے روز بھی دلچسپ مقابلے ہوئے۔
50 میٹر پران رائفل ٹیم ایونٹ میں پاکستان نیوی نے نیا ریکارڈ اپنے نام کیا، تین شوٹرز پر مشتمل ٹیم نے 1853 اعشاریہ 4 پوائنٹس کے ساتھ نیا ریکارڈ اپنے نام کیا۔
اس قبل بھی یہ ریکارڈ 1848 اعشاریہ 7 پوائنٹس کے ساتھ نیوی کی ٹیم کے پاس ہی تھا۔
دوسرے روز اسکیٹ اولمپکس ایونٹ میں آرمی کے شوٹر امام ہارون ایک پوائنٹ کے فرق سے نیا ریکارڈ نہ بناسکے، انہوں نے آؤٹ آف 60 میں سے 55 پوائنٹ بنائے جب کہ سابق ریکارڈ 60 میں سے 56 کا ہے۔
نیوی نے مزید چار گولڈ میڈل لے کر گولڈ میڈل کی تعداد 7 کرلی ہے، اس وقت نیوی 7 گولڈ 4 سلور، 2 کانسی اور مجموعی طور پر 13 تمغوں کے ساتھ سر فہرست ہے۔
پاکستان آرمی کی شوٹنگ ٹیم 4 گولڈ، 6 سلور اور 3کانسی کے تمغوں کے ساتھ دوسری پوزیشن پر ہے۔
واپڈا ایک سلور میڈل کے ساتھ تیسرے، سندھ تین کانسی کے تمغوں کے ساتھ چوتھے اور پاکستان ائیر فورس 3 کانسی کے تمغوں کے ساتھ پانچویں نمبر پر ہے۔
مزید خبریں :
’چیتا‘ قرار دیدیا، بابراعظم بھی اوپنر صائم ایوب کے مداح ہوگئے
23 دسمبر ، 2024
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
