10 مارچ ، 2024 
پاکستان
نواب شاہ میں باراتیوں کی وین ٹریلر سے ٹکرا گئی، 5 افراد جاں بحق
10 مارچ ، 2024
نواب شاہ میں باراتیوں کی وین ٹریلر سے ٹکرا گئی جس کے نتیجے میں 5 افراد جاں بحق ہوگئے۔
ٹریفک حادثہ قاضی احمد بائی پاس پر پیش آیا جہاں باراتیوں سے بھری وین جارہی تھی کہ اچانک ٹریلر سے ٹکرا گئی۔
پولیس کے مطابق حادثے کی اطلاع ملتے ہی ایمبولینس موقع پر پہنچ گئیں اور زخمیوں کو قریبی اسپتال منتقل کیا گیا۔
پولیس نے بتایا کہ حادثے میں 5 افراد جاں بحق اور 8 افراد زخمی ہیں، زخمیوں کو اسپتال میں طبی امداد فراہم کی جا رہی ہے۔
دوسری جانب لاڑکانہ میں موہن جو دڑو کے قریب بھی افسوسناک حادثہ پیش آیا جہاں ایک موٹر سائیکل، ٹریکٹر ٹرالی سے ٹکرا گئی جس کے نتیجے میں 3 افراد جاں بحق ہوگئے۔
