12 مارچ ، 2024 
سکیورٹی تھریٹ: پنجاب حکومت نے وزیر اعلیٰ کے پی کو اڈیالا جیل کے دورے سے روک دیا
12 مارچ ، 2024
پنجاب حکومت نے خیبر پختونخوا کے وزیراعلیٰ علی امین گنڈا پور کو اڈیالا جیل کا دورہ کرنے سے روک دیا۔
محکمہ داخلہ پنجاب نے خیبر پختونخوا کے ڈپٹی سیکرٹری جوڈیشل کو خط لکھا ہے کہ سکیورٹی خدشات پر اڈیالہ سمیت دیگر جیلوں کے دورے اور قیدیوں سے ملاقات پر عارضی طورپر پابندی ہے۔
خط میں کہا گیا ہے کہ ملک دشمن عناصر کے عزائم کو ناکام بنانے کے لیے یہ اقدامات ناگزیر ہیں لہٰذا وزیر اعلیٰ کے پی علی امین گنڈا پور سے درخواست کی جائے کہ وہ جیل کا دورہ ملتوی کردیں۔
خط میں آئی جی جیل خانہ جات کے نام مراسلے کا حوالہ بھی دیا گیا ہے جس میں اڈیالہ جیل، اٹک ، میانوالی اور ڈی جی خان جیل میں سکیورٹی تھریٹس کا ذکر ہے۔
مراسلے میں کہاگیا ہے کہ دہشتگرد گروپ ٹارگٹڈ حملے کر کے امن و امان کی صورت حال خراب کرسکتےہیں ، صورت حال کا تقاضا ہے کہ بلاتاخیر حفاظتی اقدامات کیے جائیں۔
