21 مارچ ، 2024 
کراچی: سوتیلے باپ نے 8 سالہ بچی پر پیٹرول چھڑک کر آگ لگادی، ملزم فرار
21 مارچ ، 2024
کراچی: لانڈھی میں سوتیلے باپ نے 8 سالہ بچی پر پیٹرول چھڑک کر آگ لگادی جس میں بچی زخمی ہوگئی۔
ایس ایس پی کورنگی حسن سردار کے مطابق ملزم طارق نے اپنی اہلیہ رابعہ کی پہلے شوہر سے 8 سالہ بچی وانیہ پر 16 فروری کو پیٹرول چھڑک کر آگ لگائی تھی جس سے بچی کا جسم 25 فیصد تک جھلس گیا تھا۔
پولیس کا کہنا ہےکہ بچی کی والدہ نے شوہر کے خوف کی وجہ سے پولیس سے معاملہ چھپائے رکھا اور خاتون بچی کا سول اسپتال تو کبھی نجی اسپتال سے علاج کرواتی رہی۔
مدعیہ کے مطابق اس نے دو سال قبل طارق نامی شخص سے شادی کی تھی جس سے مدعیہ کا ایک بیٹا ہے، سابق شوہر امجد سے اس کی 8 سالہ ایک بیٹی ہے جو ان کے ساتھ ہی رہتی ہے، 16 فروری کو بیٹی ٹیوشن سے گھر آئی تو شوہر طارق نے بیٹی کو مارنا پیٹنا شروع کردیا، میں بچی کو بچانے لگی تو شوہر نے غصے میں اسے بھی مارا اور بیٹی پر پیٹرول چھڑک کر آگ لگادی جسے بڑی مشکل سے بچایا، اب شوہر مجھے مارنے کی دھمکیاں دے رہا ہے۔
پولیس کا کہنا ہےکہ 8 سالہ بچی پر پیٹرول چھڑک کر آگ لگانے کے واقعہ کا مقدمہ بچی کے سوتیلے باپ کے خلاف درج کرلیا گیا ہے، ملزم کی تلاش جاری ہے اور اسے جلد گرفتار کرلیا جائے گا۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
