23 مارچ ، 2024 
پشاور: زیر حراست ملزم کی حوالات میں مبینہ خودکشی
23 مارچ ، 2024
پشاورکے تھانہ شاہ پور میں زیر حراست ملزم نے حوالات میں مبینہ طور پر خودکشی کرلی۔
پولیس کے مطابق ملزم کو آج دوپہر 12 بج کر 15 منٹ پر حوالات میں بند کیا گیا تھا جہاں ملزم نےحوالات کے واش روم میں تیز دھار آلے سے اپنا گلا کاٹ لیا۔
پولیس کا کہنا ہےکہ ملزم نشے کا عادی تھا اور گھر کی خواتین پر تشدد کرتا تھا۔
اے ایس پی تیمور خان کے مطابق ملزم کو زخمی حالت میں اسپتال منتقل کیا گیا لیکن وہ دم توڑ گیا، ملزم کی لاش ورثا کےحوالے کردی گئی ہے، ویڈیو کی مدد سے تحقیقات جاری ہیں۔
پولیس کے مطابق والدہ کی شکایت پرملزم کو حراست میں لیا گیا تھا۔
جیو نیوز کو موصول ہونے والی سی سی ٹی وی ویڈیو میں دیکھا جاسکتا ہے کہ ملزم چائے کا کپ اٹھا کر واش روم کی طرف گیا، واش روم سے نکل کر ملزم اپنا گلا کاٹتے ہوئے دیکھا جاسکتا ہے۔
سی سی ٹی وی فوٹیج میں دیکھا جاسکتا ہےکہ ہلاک ملزم کے ساتھ ایک اور ملزم بھی حوالات میں موجود ہے۔
مزید خبریں :
کراچی کے علاقے کلفٹن میں مبینہ پولیس مقابلہ، 4 ملزمان ہلاک
24 نومبر ، 2024
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
